Грып – вострае інфекцыйнае віруснае захворванне, якое перадаецца паветрана-кропельным шляхам.

     Крыніцай інфекцыі з'яўляецца хворы чалавек. Найбольшую небяспеку ўяўляюць людзі, якія пераносяць дадзеную інфекцыю ў скрытай форме.

    Першымі на захворванне заўсёды адказваюць дзеці. Гэта звязана з тым, што яны больш знаходзяцца ў замкнёных калектывах (дзіцячых садах, школах), маюць зносіны з вялікай колькасцю дзяцей і дарослых.

    Засцерагчы дзіця ад інфекцый, зберагчы яго ад грыпу і прастудных захворванняў у восеньска-вясновы перыяд не пад сілу ні аднаму з бацькоў. Але можна зрабіць усё, што ад нас залежыць, каб знізіць рызыку захворвання свайго дзіцяці.

    Вельмі часта бацькі блытаюць грып і іншыя ВРВЗ, якія звычайна называюць прастудай. Іх, сапраўды, нялёгка, але ўсё-такі можна адрозніць. Прастуда пачынаецца паступова - з катару, непрыемных адчуванняў у горле і кашлю. Тэмпература рэдка падымаецца вышэй за 38°С і трымаецца нядоўга. Пры гэтым агульнае самаадчуванне дзіцяці не моцна пагаршаецца. А вось асноўныя сімптомы грыпу пры найбольш распаўсюджанай сярэднецяжкай форме з'яўляюцца, як правіла, наадварот, востра і раптоўна  высокая тэмпература, дрыжыкі, галаўныя і мышачныя болі, болі ў горле, сухі кашаль, дрэннае самаадчуванне ў цэлым, адчуванне разбітасці. Тэмпература дасягае свайго максімальнага значэння да канца першых ці радзей на другія суткі.

     Не варта забываць і пра ўскладненні грыпу. Ускладненні могуць выяўляцца як у працэсе развіцця хваробы, так і пасля яе. Часцей за ўсё ў якасці ўскладнення грыпу ў дзяцей выяўляецца ларынгатрахеабранхіт, атыт, запаленне прыдатачных пазух, пнеўманія. Ускладненні грыпу заўсёды ўзнікаюць як вынік напластавання бактэрыяльнай флоры на грыпозную інфекцыю.

    Самы надзейны і эфектыўны спосаб абароны ад грыпу – гэта вакцынацыя. У першую чаргу прышчэпкі ад грыпу рэкамендаваны дзецям, якія часта хварэюць. Лічыцца, што яны пасля вакцынацыі змогуць пераносіць розныя прастудныя захворванні лягчэй.

   У цяперашні час для вакцынацыі выкарыстоўваюцца толькі інактывіраваныя вакцыны. У сваім складзе яны не ўтрымліваюць жывы вірус і не здольныя выклікаць захворванне, але здольныя стымуляваць нашу імунную сістэму для выпрацоўкі антыцелаў да віруса грыпу.

   Паўнацэнны імунітэт фарміруецца праз 2-3 тыдні пасля вакцынацыі. Менавіта таму вельмі важна своечасова зрабіць яе, да пачатку ўздыму захворвання на грып. Найбольш спрыяльны час для вакцынацыі: верасень-кастрычнік.

  Таксама выкананне шэрагу простых правілаў дапаможа Вам ўмацаваць ваш імунітэт: здаровае харчаванне, вітаміны, загартоўванне, здаровы паўнавартасны сон, прагулкі на свежым паветры.

    Паважаныя бацькі! У вас ёсць магчымасць абараніць сваё дзіця ад грыпу і вострых рэспіраторных інфекцый.

https://www.vir-academy.ru/virus/gripp/

Медыцынская сястра                      Шкірміна Т.Л.